|
Банковские операции
|
|
БАНК АТКАРЫМДАРЫ – КР мыйзамдары боюнча лицензияда атайын көрсөтүлгөн банктар менен кредиттик уюмдар гана иш жүргүзүүчү аткарымдар: а) аманатчылар менен макулдашылган шартта өз атынан депозиттерди тартуу; б) каражат берүүчү менен макулдашылган шартта өз атынан өзүнүн каражатын же башка жактан табылган каражаттарды жайгаштыруу; в) КР улуттук валютасында жеке жана юридикалык жактардын эсебин ачуу жана жүргүзүү; г) кардарлар менен банк-мүчөлөрүнүн тапшырмасы боюнча эсеп-кысап иштерин жүргүзүү жана ага кассалык кызмат көрсөтүү; д) төлөм документтерин (чек, аккредитив, вексель, ж. б.) анын ичинде кредиттик жана төлөм карточкаларын чыгаруу, сатып алуу, төлөө, кабыл алуу, сактоо жана төлөм документтерин бекемдөө; е) карыз милдеттенмелерин сатуу жана сатып алуу (факторинг ), карыздарды, сумманы жыйноо максатында жактардын коммерциялык ишин каржылоо үчүн карыз же вексель боюнча төлөнүүгө жатуучу жөнөкөй жана которум векселдерди сатып алуу жана сатуу (форфетирлөө); ж) мыйзам ченемдик актыларга ылайык КРУБ тарабынан берилген шартта баалуу кагаздарды карызга берүү (депозиттик күбөлүктөр, облигациялар, жөнөкөй векселдер); з) жөнөтүүчүнүн же өндүрүүчүнүн мүлкүн кредиттөө шартында банк ортомчу катары чыккан каржылык лизинг боюнча аткарымдарды ишке ашыруу; и) жеке жана юридикалык жактар менен келишимдин шартында акча каражаттары ишенимдүү башкарууну жүргүзүү; к) банк кепилдигин берүү. Жогоруда саналып өткөн Б. а-нан сырткары, банк КР мыйзамдарына ылайык өз иштерин камсыз кылууга зарыл болгон башка да бүтүмдөрдү жүргүзүүгө акылуу.
|
=
=